Waxaan bartay Axad, waxaan Facebook ku darsaday Isniin, waxey guursatay Talaado!!

Waxey aheyd maalin Axad ah jawiga Qaahirana waxa uu ahaa mid aad u qurux badan, sida caadadu tahay waxaa dib loogu laabtaa shaqooyinka rasmiga. Waxaan galabtaba u soo socod tagay xaafad ay daganaayeen barbaar aynu saaxiibo nahay, Xaafadu waa Six of October. Markii aan gaariga ka soo dagtay oo aan dhowr talaabo guriga saaxiibkeey u jiro ayaan mar uun indho darandaray.

Waxey mar qura indhaheygu qabteen gabar sifaheeda quruxeed aanan dhameystiri karin ileyn dhan walba wey u dhameyd; Joog dheer, dhex yar, midab maariin ah, timo madow, af  dhuxul ah, sii jeed qurxoon, horaad jirka lagu jaangooyay, indho xuurul ceyn, dhoola cadeys soo jiidasho leh iwm.

Waan ku soo dhawaaday dhankii ay wadada ka socotay aniga oo doonaya bal mar uun in aan la hadlo.

Abaayo Soomaali maa tahay ayaan si hoose oo cabsi ku jirta u iri aniga oo gariiraya.

Haa Aboowe Soomaali ayaan ahay ayay iigu jawaabtay, Abaayo magacaa ayaan raaciyay, Ismahaan ayay iigu jawaabtay inyar dabadeed waxay igaga leexatay gurigooda oo aan meesha ka fogeyn.

Markii aan soo gaaray xaafadii aan u socday ayaan saaxiibkey uga sheekeeyay dhacdadii aan la soo kulmay waxaan garan waayay si aan ugu sifeeyo gabadhii aan soo arkay markii aan dhowr tilmaamood bixiyay ayuu Cali igu yiri saaxiib riyo ayaad ku jirtaa ee kaalay oo shaah cab.

Waxaan deg deg uga soo baxay gurigii aniga oo rajeynaya in aan mar labaad wadada Ismahaan ku kulano laakin nasiib daro ma aysan dhicin.

Waxaan ku soo laabtay gurigeyga habeenkii hurdo maanan gam'in. Aroortii xigtay oo maalin Isniina aheyd ayaan ku yaacay Facebook, waxaan raadiyay inta Ismahaan ee aan heli karo. Waaba tan oo gabadhi iskeentay!!

Inkastoo sawiradeeda u xirnaayeen hadana waxaan ka gartay sawirka profile-ka u saarnaa oo ahaa mid aad u qurxan. Kama labalabeyn in aan ku darsado iyana durbaba wey i aqbashay. 

Waxaan u qoray dhowr message; abaayo wiilkii cadaa ayaan ahay oo shalay ku soo bartay ma i fahamtay, waa fiican tahay nooh, Maasha Allah hooyo ka waran, il Alle ha kaa dhowro, gabar qaali ayaa tahay, ninkii ku hela gabar ayuu helay iyo calaacal kale oo fara badan ayaan qoray laakin wax jawaab ah la ima soo siin.

Maalintii xigtay ee Talaadada ayaan waxaa wall-keeda Facebook ka bilawday hambalyo loo dirayo, abaayo labadii isku waarta, reerkii lagu nasto, macaaneey Alle ha isu kiin dhowro iyo kuwo kale oo fara badan, waxaa igu dhacay yaab iyo amakaag....ileyn waxaan bartay Axad, waxaan Facebook ku darsaday Isniin, waxey guursatay Talaado!!!!

Taatiko

October 17

Bob Bradley qalad ma laha ee Gen Sisi ha la wareysto!

Bob Bradley waxa uu la kulmay dhaliilo
fara badan kadib guuldarii Ghana

Ma aheyn arin la filayay, maanka marnaba kuma soo dhicin, laakiin waxa ay noqotay xaqiiq dhacday oo fadeexo isboorti noqotay, ileyn libaaxyadii Afrika ayaa ciida afka loo daray.

Inkastoo kubaddu cagta ay tahay mid ka mid unugyada dhiigeyga dhaqaajinayay sanadihii la soo dhaafay hadana uma soo joogin Qaahira oo gabi ahaanba laga asaay qaaday oo caruur iyo waayeelba nolol maalmeedkoodu  mugdi iyo jahawareer galay. Talow maxaa magaaladeydii helay, maxaa Tahrir gilgilay? maxaa sawaxankii fagaaraha Ramses mar uun aamusiyay? Isku socodkii gawaarida maxaa hakad galiyey, wadadii talcat xarbi iyo down town-kii aan in badan ku mushaaxay maxaa ku habsaday  maxaa Qaahirooy ku qabsaday?

Jawaabtu ma sahlana laakin Qaahira waxey hal mar la soo booday Ghana ayaa Egypt ugu awood sheegatay 6-1 oo riyadeydii aan kaga qeyb galayay koobka dunida Brazil 2014 meesha wey ka baxday. Dabcan waa jawaab culus oo su'aalaheyga jawaab u noqon kara.
Guuldaran kadib waxaa soo baxayay eedeymo loo jeedinayo tababaraha xulka Masaarid  Bob Bradley oo u dhashay Mareynkanka.

Waa yahuudi, waa Mareykan khaain ah, waa xaasid, horumar nooma ogola, waa cadawgeena iyo aflagaado kale oo la soo koobi karin ayaa lala dul dhacay Bob Bradley.

Laakin ma la is weydiiyay xagey sadhu ka qurantay, oo su'aashan ma la is weydiiyay.

Ma dal ciyaarihiisii gudaha loo joojiyay arrimo amni awgeed iyo ciyaartooy khilaaf xoogan dhex soo galay miyaa awood u leh in ay wajahaan quwad ka mid ah quwadaha Africa ugu tunka weyn (Ghana) oo wadata xidigyo caalamka magacyo mug weyn ku leh?

Jawaabtu waa maya hadaba Bob Bradley qalad ma laha ee Gen Sisi ha la wareysto!!!

Taatiko,

October 17

General Sisi iyo cadaadiska saaran.

Gen Abdi Fatah Al Sisi waxa uu cadeeyay in
ciidanku ku lug yeelan doonin nidaamka siyaasadeed

     Tan iyo markii militariga reer Masar xilka ka tuureen Madaxweyne Mursi, waxaa soo baxayay dhaliilo fara badan oo ka imanayay gudaha iyo dibadaba.

Washington kuma qanacsaneyn salfudeydka askara halka Midowga reer Yurubna ay muujiyeen taxadir, marka laga reebo Sacuudiga iyo Imaaraatka Carabta, Gen Sisi ma uusan helin taageero ku filan walow daleeceyni ay kaga timid Ankara.

Sida dadka odorasa siyaasada Masaarida ay sheegayaan, Gen Sisi waxa uu qorshahan afgambiga soo waday in muddo ah taasoo laga garan karo laxanka quruxda badan ee lagu laray afgambiga; Gudoomiyihii maxkamada dastuuriga oo diyaarsan, culumadii diinta iyo siyaasiyiinta mucaaradka oo isku dhinac ah iyo qafaal lagula kacay madaxda ururka Ikhwaanul Muslimiinta iyo weliba TV-yadii afka wadaada ku hadli jirey oo hawada mar qura laga saaray saacado kadib markii afgambigu dhacay

Howshu ma noqon mid sahlan, taageerayaasha Mursi waxa ay wadaan dibad baxyo aan joogsi laheyn weliba rabshado wata mararka qaar, beesha caalamku waxa ay qabtaa wel wel, mucaaradkii shalay mideysnaa maanta waa kala daatay oo Mohamed El Baradai oo PM loo magacaabay waxaa durbaba ka hor yimid wadaadada salafiyiinta.

Cadaadisku ma yara laakin Gen Sisi siduu u maareyn doonaa????

Qormadii

 Taatiko

Kenya should respect our sovereignty!!

I've mystified and disappointed by the actions of Kenyan peace keepers in Kismayo, South Somalia.
Kenya is part of the African peace keeping mission in Somalia known as AMISOM but the current Nairobi intervention on Somali issues is unacceptable and deplorable
According to the AMISOM mission, Kenyan forces are entitled to protect government installations in Southern city of Kismayo.
Kenyans have been pressing for long time to tackle Somali government initiatives to form an administration in Kismayo. The outcome was clear, Yesterday Kenyan forces barred Somali defense minister to enter the city, a move sparked public outcry in Mogadishu.
What Kenya needs? In his address to AU leaders in Addis Ababa, Somali Pres made clear that his government will never stand idly, however he stressed that his government will put more efforts to form an administration in Kismayo. Apparently Kenya wants to impose its rule in Southern Somalia with the help of some tribal and community leaders. But this is neither the interest of Mogadishu and Nairobi.
Stable united and peaceful Somalia could lead peace and prosperity in Horn of Africa. This is also the best way to overcome terrorist groups like Al-Shabab and pirates.
There has been increasing pressure on  the international community to act since Pres Mohamud was elected. US has formally recognized Somali government since 1991.
Kenyan actions are not inline with those of the international community. As a neighbor and part of AMISOM peace keepers Kenya should respect  our sovereignty.

Abdi Karim Ali Mohamed
Taatiko.

The use of drones are inevitable but the civilian casualties is one problem!!

In a wide-ranging speech at at the National Defense University in Washington DC, Pres Obama made clear that use of drone attacks are necessary to protect America from terrorist attacks.

The president said "So this is a just war - a war waged proportionally, in last resort, and in self-defence".

Earlier drone critics raised that the drones killed four American citizens.

However, during the speech he was interrupted by a protester shouting about the current hunger strike at the prison.

"I'm willing to cut the young lady who interrupted me some slack because it's worth being passionate about," he said.

however the situation of the matter,I strongly believe that the use of  armed drones are necessary to curb the terrorists in Yemen, Afghanistan, Somalia and Pakistan.

But unintended civilians casualties are problem. 

Obama administration should come up a new plan to carry out more drone attacks to target nastiest killers, but they should avoid harming civilians....

Taatiko

MARCA iyo Macalim Mou maxaa kala heysta.

Inkastoo aad aan ugu dhuun daloolo horyaalka Spain ee loo yaqaano "La liga" hadana kuma eki daawasho kaliya ee waxa aan xooraansadaa hadba waxa ay wargeysyada Spain ka qoraan xanta ciyaartooyda iyo tababarayaasha. Ma jirto subax aan soo toosay shantii sano ee ugu dambeesay iyada oo aan isha marin Jariirada afka dheer ee MARCA. Waa jariirad ka soo baxda magaalada Madrid hadana taageero xad dhaaf ah u heysa kooxda Boqortooyada (Real Madrid).

Kama helo runtii hab saxaafadeedka MARCA kolka ay ka faaqideyso kooxda FC Barcelona oo mararka qaar waxa ay i soo xasuusisaa bogaga internetka Soomaalida qaarkood.

Mourinho: Spain la igama jecla

Balse, todobaadkan waxa aad moodaa in MARCA ay si gaar ah dareenkeyga u soo jiidatay. Waxa aan isha mariyay ugu yaraan 3 mar saacad walba sababtuna wax kale ma aha ee waxa aan dusha kala socday xiisada ka dhex aloosan Naadiga Real Madrid iyo tababarahooda Mr Special One.

Maalin qura gudaheeda ayay soo qaadatay dhowr cinwaan: Bye bye Mou, Mourinho oo maalmihiisu tirsan yihiin, Mourinho oo khasaaro keenay, Madaxweyne Florentino oo go'aan qaadan raba, 

Mourinho oo la nacay, Ancelotti wuu iman rabaa iyo iwm.

Dhab ahaantii ma fileyn in MARCA ay sidan xowliga ah isku bedesho waayo Mou waa ninkii  3 sano ka hor caalamka ay ka gadi jirtey, waa ninkii ay sheegi jirtey in uu cagta mariyay burjigii FC Barcelona, waa geesigii ay aaminsanaayeen in uu Catalonia aamusiyay, waa shaqsi ay dhowr magac ugu yeereen 3-dii sano ee la soo dhaafay.

Dheriga kulka maxaa ka keenay? Kuleel

MARCA wey fatahdee maxaa u qarsanaa?

Sida aan filayo laba arimood ayaa u sabab ah in MARCA ay bartilmaameedsato Mou.

Tan hore, Real Madrid oo ah naadiga ay MARCA taageerto oo sanadkan gacmo maran, iyo tan xigta oo ah  Mou oo dhaliilay Saxaafada iyo shacabka reer Spain.

Taatiko. 

Soomaalidu ku garan weydee Abuu Amriikiyoow kumaad tahay?

Waxaa in dhawaanahan soo if baxayay warar la isla dhex marayay oo sheegayay in khilaaf weyn uu soo kala dhex galay dhaqdhaqaaqa argagixisada ee Al-Shabab, Al-Qaacidada geeska Afrika.
Sida warar xog-ogaal ah oo horey loo helay ay sheegayeen khilaafkani waxa uu u dhaxeeyaa Gudoonka argagixisada Geeska Afrika Axmed Togane iyo ku-xigeenkiisa Ibraahim Afqaani.
Khilaafkan ayaa salka ku haya kala duwanaansho aragti oo ay labada nin kala aaminsan yihiin.
Hadaan hadalka soo koobo bu'da khilaafka ayaa ah iyada oo mid waliba uu doonayo in kan kale uu kaga hor maro daadinta dhiiga ubadka Soomaaliyeed. Xiisadu waxa ay cirka isku shareertay markii midka dambe uu ku eedeeyay Togane in uu maran habaabiyay waxa uu ugu yeeray "Howshii Jihaadka ee Walaayada Soomaaliya".
Si kastaba khilaafku ha u buurnaadee waxey sadhu quruntay markii Abuu Mansuur Al-Amriiki, oo ah-gacan ku dhiigle u tababaran dibin-daabeynta aayaha ubadka Soomaaliyeed- uu ku soo bandhigay cinwaankiisa twitter-ka sawir ay ka muuqdeen dhaawacyo taas oo uu ku sheegay in uu ka badbaaday isku day dil oo uu soo yagleelay Togane.
Waxaa intaa xigay Shangole oo ka tirsan Al-Shabab oo si lama filaan ah afka u furtay " Walaalkeen Al-Amriiki gacan ka xaq daran ayaa dishay" ayuu mar uun kala soo dhex booday goob uu ka qudbeenayay.
Hassan Dahir Aweis oo isana caan ku ah marti gelinta cadawga Soomaaliyeed ahna Aabaha dhaqdhaqaaqyada argagixisada ayaa maanta isana afka furtay, "Al-Amriki ma dhiman oo dilkii la qorsheeyay wuu ka badbaaday.......Soomaalidu ku garan weydee Abuu Amriikiyoow kumaad tahay?

David Beckham is to retire

David Beckham is to retire from football at the end of this season after an illustrious 20-year career.

The former England captain made 115 appearances for his country and 394 for Manchester United, winning six Premier League titles and the Champions League.

Beckham, 38, signed a five-month deal at Paris St-Germain in January.

"I'm thankful to PSG for giving me the opportunity to continue but I feel now is the right time to finish my career, playing at the highest level," he said.

PSG have two more games before the end of the season, at home against Brest on Saturday and away to Lorient on 26 May

Nigerian army begins raids on Boko Haram in Borno

Nigeria's army has begun operations against militant Islamists in the north-east, military officials say.

They say troops raided parts of a game reserve in Borno state where the Boko Haram group has established bases.

The raids came after states of emergency were declared in Borno, Yobe and Adamawa north-eastern states, where 2,000 people have died since Boko Haram launched an insurgency in 2009.

A dusk-to-dawn curfew has been imposed in Adamawa to curb militant attacks.

On Thursday soldiers raided "terrorist camps" in the Sambisa Game Reserve, a remote 500 sq km (200 sq mile) savannah in Borno that is known to be a haven for Boko Haram militants, officials are quoted as saying.

Nigerian military spokesman Brig Gen Chris Olukolade said "every resource available" to the armed forces would be used against Boko Haram.

Ma garan karo waxa lagu karinayo Kismaayo

Waa arin la yaab leh runtii in dhawaanahan indhaheenu u jiheystaan dhacdo xanuun badan oo saameyn ku yeelan karta muwaadin kasta oo Soomaaliyeed, Sheekadu waa Kismaayo iyo maxaa lagu karinayaa...
Waxaa durbaba soo ifbaxaya yididiilo colaadeed, saxan-saxo cadaawo iyo is-baheysi reero oo aan filayay in goor hore laga talaabsaday.
Laakin waxaan shaki ku jirn haddii uusan damiirku shaqeyn, garaadkuna talin in Kismaayo wiilal iyo gabdho Soomaaliyeed ku dhiman doonaan (Alle inooma kasee)...
Xalku waxa uu ku jiraa is faham iyo dulqaad iyo qab weynida qabiilka oo meel la dhigo.
Taatiko